Kobane hiria 2015ean ospetsu egin zen mundu zabalean, Estatu Islamikoaren aurkako erresistentziagatik. Horrek markatu egin ditu bertako gazteak, baina Siria iparraldean eta ekialdean gertatu diren aldaketa sozial garrantzitsuek ere izan dute eraginik haiengan. Zilan idazlea da, eta bakean bizi nahiko luke. Beste gerra baten mehatxuak, ordea, ez dio uzten bizitza normal bat eraikitzen. Husseinek, berriz, autodefentsa indar kurdu-arabiarrekin bat egitea erabaki zuen. Biek ala biek gerraren suntsipenaren eta iraultzaren itxaropenaren artean eraiki nahi dute etorkizuna.