Gorrek musikarekin duten harremanari buruzko dokumental autobiografikoa da Traslasierra. Lehen begiratuan, musika eta gorren mundua bateraezinak direla dirudi. Baina Traslasierrak gaiaren inguruko hainbat gauza ezezagun argituko dizkigu. Musika unibertsala da. Giza emozioak unibertsalak dira. Dokumental honetan erakusten den bezala, komunikatzeko borondatea dagoenean, ez dago mugarik. Musika eta emozioak elkartzen ditugunean mirariak sortzen dira. Gai unibertsal handi horiek Espainiako hegoaldeko urrutiko herri batean kokatutako dokumental oso pertsonal eta intimo batean ematen dira ezagutzera. Traslasierra Andaluziako herrixka baten izena da, eta "mendien atzean" esan nahi du. Baina dokumentalean gorrek gizartean duten posizioaren metafora bat ere bada.