Maren Zubeldia Donostian jaio zen 1995ean, eta Ikus-entzunezko Komunikazioan lizentziaduna da EHUn. Zinema sorkuntza, aktibismo feminista eta euskaltzaletasuna uztartzen ditu. 2016az geroztik, Zinegoak jaialdiko lantaldeko kide da, eta film laburren ekoizpenean lan egin du. Nazioarteko zinemaldietan epaimahaikide izan da, hala nola Uruguaiko Nazioarteko Zinema Jaialdian.

Zubeldiak zuzendaritza laguntzaile gisa lan egin du Historias para no dormir telesailean (2021). 2022an, (H) emen (H) ere elkartearen Aukera mentoretza programan parte hartu zuen, eta han garatu zuen Ultramarino, zuzendari gisa egin zuen lehen film laburra, Silvina Guglielmottirekin lankidetzan.

Zinegilea eta zuzendari laguntzailea, zineman eta telebistan ibilbide sendoa duena. Besteak beste, Cuando dejes de quererme (2018), El internado (2007) eta Mi querido Klikowsky (2005) ekoizpenetan egin du lan. Duela gutxi, 20.000 erle espezie filmeko zuzendari laguntzailea izan zen (2023), eta Berlinaleko sail ofizialean parte hartu zuen.

2022an, Maren Zubeldiarekin lankidetzan aritu zen, DOXA Produccionesek ekoitzi eta Kimuak 2025 katalogorako hautatutako Ultramarino film laburraren zuzendaritzan.