Paloma Mozo sortzaile eszenikoa, pedagogoa, terapeuta eta dibulgatzailea da. 20 urtetik gorako esperientzia profesionalarekin, ehunka aktore trebatu ditu eskola ospetsuetan, hala nola RESADen Madrilen eta Casazulen Mexikon. Gaur egun interpretazio irakaslea da Cristina Rotaren eskolan. Antzezle gisa, antzezlan eta telesail askotan parte hartu du, besteak beste: Marco, Félix Viscarret zuzendariaren minisaila; Cuéntame cómo pasó, Herederos, Círculo rojo, Al filo de la ley, Hospital Central, El comisario.

2022an bere proiekturik pertsonalena sortu zuen, Las chicas del Cancán, zeinaren helburua bularreko minbiziari buruzko tabuak eraistea eta artearen bidez mastektomizatutako emakumearen irudia eta presentzia naturalizatzea baita. Neurri handi batean ikus-entzunezkoa den proiektu honetarako interprete, gidoilari eta errealizadore lanak egiten ditu, besteak beste.

Anna Carbonell bartzelonarra Ikus-entzunezko Komunikazioan graduatua da Bartzelonako Unibertsitate Autonomoan, eta zuzendaritza-laguntzailea eta zuzendarigaia da.

Zuzendari laguntzaile gisa PHOAC, C. Marí edo Chienne bezalako artistentzako bideoklipetan lan egin du. Fikzioan, esperientzia gehien duen alorrean, hamar bat film labur eta bi film luze egin ditu. AD gisa lan egin du, formatu analogikoan zein digitalean.

Kameraren aurrean eta atzean esperientzia hartu eta Ayudantian espezializatu ondoren, Prou Bé bere lehen film laburraren zuzendari eta gidoilari gisa hasi zen. Orain, Paloma Mozoren gidoi batekin, intimismoaren eta genero feelgooden aldeko apustua egiten du ¡Por las tetas de Lucía! filmarekin.