Sistema judizial bidegabe eta mendekati batek kondenatu ditu Pablo Hasel, Valtónyc eta Elgio kantarien hitzak; bestalde, gaizkile eta «demokraziaren etsai» gisa agerrarazten dituzte hedabideek. Ikuspegi pertsonal eta artistiko batetik jorratzen ditu filmak kasu horiek, eta errepresalia politikoen biktima izatera eraman dituzten esperientziak azaltzen; erakusten dizkigu, halaber, errepresioak haien bizitzan eragin dituen ondorioak: desgaikuntza, erbestealdia, espetxea... Dokumentaleko pertsonaia garrantzitsuak diren zenbait musikarik eta kantarik berregin egin dituzte zigortutako hitzetako batzuk, eta bertsio berriak sortu, zenbait musika-estilotan. Besteak beste, Ana Tijoux, Yolanda Sey, Albert Pla eta Za jardun dira zeregin horretan